Policia në Itali ka arrestuar sot një shqiptar të moshës 24-vjeçarë, i cili u kap me një sasi droge në disa çanta.
Arrestim i shqiptarit, emri i të cilit nuk bëhet i ditur, është kryer në qytetin e Mantovas në Itali për posedimin dhe shitje droge.
Sipas informacioneve që japin mediat në Itali, mësohet se efektivët kanë sekuestruar një sasi 96 kg marijuhanë në një hotel në Solferino, ku i riu jetonte prej disa muajsh.
Droga ishte e ndarë në pako, ishte e fshehur në tre çanta dhe dy thasë të zinj. Droga vlerësohet se do të sillte 600 mijë euro nëse hidhej në treg.
Në makinën e të riut të parkuar në oborrin e hotelit u gjetën materiale që përdoren për paketimin e drogës.
