Dosja “Tritoli në Kamëz” gjatë kësaj jave është raportuar në redaksinë e ALPENews.al si një prej çështjeve më të bujshme të muajit korrik (duke u lënë për t’u zhvilluar edhe në muajt në vazhdim).
SEANCA GJYQËSORE
Seanca gjyqësore e mbajtur ndaj “tritol-vënësit” (ose thënë ndryshe 23 vjeçarit nga Kukësi, Vilson Brahajt me vendbanim në zonën e Bathores në Kamëz, por me gjendje civile në qytetin e Kukësit) tregoi se çështja vazhdon ende të ketë një paqartësi për të përcaktuar porositësin/porositësit.
PISTAT E DYSHIMIT
Nga ana tjetër, një i kërkuar për këtë çështje është pikërisht i afërmi i familjes (në gjakmarrje me familjen e Gazmir Daçit) ajo Kolaveri.
Ai është Saimir Kolaveri, me preçedentë penalë të mëparshëm, por i dyshuar si porositësi i 500 gramë eksploziv shpërthyes tek banesa e Xhelal Daçit, të atit të Gazmir Daçit (i dënuar me rreth 35 vjet burg për vrasjen e njërit prej djemve të familjes, me identitet Valmir Kolaveri).
Në seancën e gjyqit, ALPENews.al zbardhi deklaratën e Vilson Brahajt (vënësit të tritolit, në mesnatë tek banesa e Xhelal Daçit).
Ajo çfarë tha ai ishte kjo:
Shokut tim (porositësit) i thashë që do ta vendos unë masën e tritolit (500 gramë masë eksplozive).
Nuk e dija që do të ndodhte kështu, lajmin e mora vesh vetëm kur doli në televizor. Nuk e dija se kisha bërë gjë të gabuar.
Unë u premtova se do paguhesha 5000 (pesëmijë) euro për këtë punë që kam kryer. Ai më tha se e donte këtë gjë që të përfitonte azil diku jashtë vendit, dhe se kjo ngjarje nuk ka të bëjë realisht me konfliktin e hakmarrjes mes fiseve Daçi dhe Kolovari. Djali që më dha urdhërin (porosinë) dhe 1500 eurot më tha se ishte diku tek 25 (njëzetëepesë) vjeç, dhe se banon në një lagje të Bathores.
Këtij të fundit i kërkova 5000 euro, kurse 1500 euro i mora në dorë. E bëra kur nuk e dija që këto familje janë në gjak.
Të nesërmen e mora në telefon, lekët s’mi dha. I thashë më fute në gjak me të tjerët. Të nesërmen i doli telefoni i fikur. E kam bërë për hall zoti gjyqtar. Unë jam banor në Kamëz shtëpia që e vura eshte në Bathore. E mora vesh në lajme çfarë kisha bërë.
Përveç kësaj, detajet lidhen edhe me ndonjë hakamarrje tjetër ndaj familjes së Daçajve.
Një vrasje e pazbuluar, e cila mund të jetë kryer nga vetë Gazmiri, i cili vuan akoma dënimin në burg, apo qoftë edhe për të atin e tij.
Xhelal Daçi, në një prononcim për një televizion shqiptar sëbashku me familjen e tij ngreu alarmin për shpërthimin duke thënë se është shpeshherë në fokus të kriminelëve, dhe të familjes Kolaveri (sipas tij dhe familjes).
Ky material është përgatitur nga redaksia e ALPENews.al, ndalohet ribotimi apo publikimi pa lejen e redaksisë.
