Policia e Durrësit në kuadër të forcmimit të rregullave të qarkullimit, ka vijuar akasionin përgjatë fundjavës dhe ka pezulluar mbi 50 leje drejtimi dhe ka arrestuar 14 shoferë.
Njoftimi i plotë
Qarkullimi Rrugor Durrës, zbatim plan masash gjatë fundjavës për rritjen e parametrave të sigurisë të përdoruesve të rrugës.
Janë kryer kontrolle për drejtim mjeti nën ndikimin e alkoolit, pa leje drejtimi dhe shkelje të rregullave të qarkullimit rrugor.
Vetëm në fundjavë janë arrestuar në flagrancë 9 shtetas për drejtim mjeti nën ndikimin e alkoolit dhe 5 shtetas për drejtim mjeti pa leje drejtimi.
Janë vendosur 472 masa administrative për shkelje të ndryshme dhe pezulluar 53 leje drejtimi.
Specialistët e Sektorit të Policisë Rrugore në Drejtorinë Vendore të Policisë Durrës gjatë fundjavës, në vijim të zbatimit të planit të masave me qëllim parandalimin e aksidenteve rrugore dhe rritjen e sigurisë në rrugë kanë ushtruar kontrolle në të gjithë akset rrugore të qytetit të Durrësit.
Shumë drejtues mjetesh janë këshilluar nga ana e Specialistëve të Qarkullimit Rrugor në respektimin e rregullave të qarkullimit rrugor si: mospërdorimi I pijeve alkoolike gjatë drejtimit të mjetit, vendosjen e rripit të sigurimit, mosperdorimin e aparateve celularë gjatë drejtimit të mjetit, respektimin e sinjalistikës vertikale dhe horizontale.
Për shkelje të rënda të Kodit Rrugor dhe Kodit Penal gjatë fundjavës janë marrë masat si më poshtë vijojnë:
• janë arrestuar në flagrancë 9 drejtues mjetesh duke drejtuar mjetet në gjendje të dehur;
• janë arrestuar në flagrancë 5 drejtues mjetesh për drejtim mjeti pa leje drejtimi;
• janë pezulluar 44 leje drejtimi për tejkalim të normave të shpejtësisë dhe 9 leje drejtimi për drejtues të mjeteve nën ndikimin e alkoolit;
•janë ndëshkuar 67 drejtues mjetesh për mospërdorim të rripit të sigurimit gjatë drejtimit të mjetit;
• janë ndëshkuar 78 drejtues mjetesh për përdorim të celularit gjatë drejtimit të mjetit;
• janë ndëshkuar 62 drejtues mjetesh për parakalim të gabuar;
• janë vendosur 472 masa administrative për shkelje të ndryshme të Kodit Rrugor.
Drejtoria Vendore e Policisë Durrës këshillon çdo përdorues rruge që të respktojnë rregullat e qarkullimit rrugor duke eleminuar cdo shkak që shërben si burim aksidenti.
Kontrolle të tilla nga ana e Punonjësve të Qarkullimit Rrugor do të vazhdojnë edhe në ditët në vijim dhe fundjavë.
