Lefter Zhidru është ekzekutuar mbrëmjen e djeshme nga Forcat Speciale RENEA në Elbasan, pasi ishte ngujuar në shtëpinë e tij dhe qëllonte me breshëri kallashnikovi ndaj Policisë.
Pas 5 orësh negociata dhe të shtënave të herëpashershme, 71 vjeçari është ekzekutuar me snajper. Nga ngjarja e rëndë që dje terrorizoi gjithë Elbasanin mbetën të plagosur edhe dy të rinj, kalimtarë të rastit.
Ndërkohë, sot bëhet me dije nga morgu i spitalit të Elbasanit se asnjë nga familjarët e Lefter Zhidrut nuk është paraqitur për të marrë trupin e të ndjerit dhe për të kryer ritet mortore.
