Një takim tek gjinekologu mund të merret shumë më seriozisht nga se duhet!
Femrat shqetësohen edhe për qimet e këmbës, lëkurën e thatë apo sekrecionet vaginale, kur në të vërtete gjinekologu nuk do i vërë re. Duhet të mbani gjithnjë në mend që ai takim mund të jetë një kontroll rutinë, mund ta keni kërkuar ju pasi mund të keni përjetuar shenja të çuditshme, ndaj çdo gjë që vjen në plan të dytë ( si ato që përmendëm më lartë e të tjera) nuk duhet kurrësesi të shtyjë takimin tuaj të rradhës me gjinekologun. Më poshtë Living do të rendisë 5 gjërat që gjinekologët nuk do t’jua thonë, por ju duhet t’i dini.
1.Mos e anulloni takimin tuaj vetëm se nuk jeni depiluar. Qimet pubike nuk ndikojnë aspak në egzaminimet apo kontrollin mjekësor.
2.Mos u shqetësoni për sekrecionet apo erën e vaginës suaj. Sekrecionet vaginale janë shenja të shumë problemeve shëndetësore e në varësi të konsistencës, ngjyrës apo erës doktori mund të kuptojë shumë për shëndetin tuaj riprodhues. Ndaj mos kini ndroje, pasi është njësoj si sekrecionet e hundës që janë shenjë e gripit.
3.Shumë gra në sallën e lindjes ‘dalin jashtë’ nga forcat shtytëse në përpjekje për të lindur në mënyrë natyrale. Kjo gjë është mëse normale ndaj mos u shqetësoni.
4.Kur flini për shqetësimet tuaja “aty poshtë” duhet të jeni shumë të sakta në përshkrim dhe të mos keni turp. Duhet të përshkruani në detaje llojet e kruajtjes, ndjesinë e djegies apo çdo ndjesi e tillë që mund të ndihmojë në procesin e diagnostikimit.
5.Mund t’ju duket çudi por gjinekologut mund t’i hyjnë në punë edhe detajet më të parëndësishme në dukje si pozicioni i seksit ! Shembull: Nëse menjëherë pas seksit anal ju kaloni në një pozicion tjetër vaginal, me shumë mundësi ju mund të infektoheni nga bakteret e anusit ! Kjo gjë çon në infeksione vaginale, të cilat nëse ju përmendni këtë detaj do të ishte shumë më e lehtë për t’u diagnostikuar.
