Shumë prej nesh e aplikojnë make up-in çdo ditë. Ndonëse në momente të caktuara nuk kemi as kohë dhe as durim për ta bërë atë të plotë, kujdesemi që pak rimel dhe korrektor poshtë syve ta vendosim me patjetër. Shpejtësia, teknika e gabuar apo thjesht mungesa e informacionit bëjnë që gjatë kohës që lyhemi t’i shkaktojmë fytyrës probleme estetike dhe jo vetëm.
Për ta patur parasysh këtë, më poshtë janë listuar disa prej gabimeve më të shpeshta që bëjnë dhe mënyrat më efikase për t’i ndrequr ato.
1. Shumë korrektor poshtë syve.
Kështu siç e bëjnë ato të rrjeteve sociale. Korrektori në fakt, përdoret vetëm për të zbardhur zonën poshtë syve dhe për të korrigjuar ndonjë imperfeksion të dukshëm.
Nëse do ta kaloni masën, rrudhat poshtë syve nuk do të vonojnë të duken dhe përveç kësaj do të dukeni shumë e zbehtë.
2. Përzgjedhja e nuancës së gabuar të kremit pudër.
Nuk ka asgjë më të pakëndshme për syrin se sa një fytyrë e lyer në nuancë krejt ndryshe nga qafa. Bini dakord apo jo? Por mund të ndaloni së bërë këtë, sepse në fund të fundit jetojmë në një epokë me instruksione pafund make up-i. Bëni kujdes të zgjedhni ngjyrën e duhur , që i përshtatet fytyrës dhe qafës suaj. Vini fondatinë vetëm aty ku e ndjeni të nevojshme dhe bëni kujdes me hapjen e saj! Sa më natyrale të duket aq më mirë!
3. Shumë rouge!
Ky është një nga gabimet që bëhet më së shumti gjatë aplikimit të make up-it, por gjithashtu më lehtësisht i korrigjueshmi. Nëse e shihni se jeni skuqur pak si tepër, merrni furçën dhe ribëni përhapjen.
4. Lyerja e pjesës së poshtme të syve.
Shumë vajza dhe gra preferojnë që përveç rimelit të lyejnë sytë poshtë me laps të zi. Ok, duket si grim praktik për tu bërë kur s’ka kohë, por do të dukeni shumë të lodhura! Dhe me ca vite më tepër mbi supe. Një rimel i mirë, do të ishte mjaftueshëm, për të mos u dukur si ky në foto.
5. Vendosja e shumë highlighter-i.
Që kur highlighter-i u kthye në trend, vajzat e duan më shumë se çdo gjë tjetër. Por mbivendosja e tij nuk do t’ju bëjë të dukeni bukur. E rëndësishme është të mësoni pikat strategjike dhe ta aplikoni ku duhet. Sa më pak, aq më mirë!
Burimi: Women’s Health
