Një 43 vjeçar nga Fieri ka mbetur i plagosur mbrëmjen e sotme si pasojë e një sherri që ka bërë me dy persona të tjerë.
Blutë e Sarandës njoftojnë se, 43 vjeçari identiteti i të cilit nuk bëhet me dije, nën efektin e pijeve alkoolike është konfliktuar me dy persona të tjerë në lagjen nr.1 të qytetit, njëri prej të cilëve e ka qëlluar me thikë dhe e ka plagosur.
Menjëherë i plagosuri është dërguar në spitalin e Sarandës për ndihmë mjekësore dhe fatmirësisht ndodhet jashtë rrezikut për jetën. Ndërkohë, grupi hetimor ndodhet në vendngjarje dhe po punon për zbardhjen e plotë të rrethanave të saj dhe identifikimin e dy personave që u konfliktuan me 43 vjeçarin.
