Gjyqtari Shkëlqim Miri, momentalisht ndodhet në Drejtorinë e Policisë së Shtetit. Pritet vendimi se kur gjyqtari do dali para trupës gjykuese. Gjyqtari Miri ishte nën hetim prej një viti nga Prokuroria e Përgjithshme, me dyshimin fillestar se ka ndryshuar akuzën nga vrasje, në plagosje të rëndë me dashje. Sipas burimeve paraprake, gjyqtari po mbahet në qeli.
Ndërsa gjatë kontrollit atij i janë gjetur në banesë një shumë prej 30 milionë lekësh, që dyshohet të jenë marrë në këmbim për të ndryshuar kualifikimin e një vrasjeje të ndodhur në Burrel, në vitin 1997.
Ndryshimi që mund të ketë bërë është akuza e shtetasit të akuzuar Gentian Doda, i ekstraduar kohë më parë nga Los Anxhelos, në SHBA. Shtetasi Gentian Doda njihet si “kundërshtar” i famijles ‘Dedja’./AlpeNews.al/
