Kryebashkiaku Erion Veliaj zhvilloi sot një takim elektoral me banorët e Zall Herrit, para të cilëve premtoi më shumë punë. Por duke qënë se kjo e shtunë përkon edhe me protestën e radhës së opozitës, Veliaj gjeti rastin të ironizonte kryedemokratin Basha.
“Ata janë duke u përgatitur si do të shkojmë të shkatërrojmë Tiranën. Por e kujt është Tirana? E hasmit? Këto janë gjëra që bëhen me taksat e popullit, që në kohën e Italisë. Kur je në shtëpi prej xhami mos gjuaj me gurë. Jemi në një situatë delikate. Janë vëllezërit tanë, nuk janë armiqtë tanë. Mjaftojnë që të shohin. Basha tha do të shkojë në Gjermani do ta takoj Merkelin, do të vijë mbështetja e jashtëzakonshme, as Merkelin nuk e takoi as mbështetje nuk mori, takoi një prift, por ne e kishim në Tiranë, pse u lodh deri atje?! Ta kishim çuar të ishte falur këtu.
Gjermania ka dalë në krah të Edi Ramës dhe me shkuar një javë para proteste dhe me takuar një prift dhe me thënë mora uratën me shkatërru Tiranën, kjo është për të thyer inteligjencën. Ke lënë rrugë të hapura nga Durrës-Kukës, 21 Janari dhe deri te shitja e detit. Do të kalojë protesta sot, do të bëhen akoma më pak”, tha ai.
