Ditën e sotme është konstituuar Këshilli i qarkut Lezhë. Në krye të këtij Këshilli është zgjedhur Eduart Ndreca. Ky i fundit ishte kandidatura e vetme për postin e kryetarit.
Ndreca gjithashtu mban edhe postin si kreu i PS për qarkun e Lezhës dhe pedagog në Universitetin e Shkodrës.
Ai mori 14 votat e këshilltarëve të pranishëm në mbledhje, ku ishte i pranishëm edhe ministri i Brendshëm, Sandër Lleshaj. Në mbledhje mungonte vetëm kryetari i bashkisë Mirditë, Ndrec Dedaj.
