Presidenti Ilir Meta u shfaq në një konferencë për shtyp që në mëngjes herët, për të komentuar vendimin e Kolegjit Zgjedhor për zgjedhjet e 30 qershorit.
Ai u duk i dorëzuar për mbajtjen e zgjedhjeve dhe deklaroi se ato nuk do të jenë ligjore.
“Vendimi ka të bëjë vetëm me marrëdhënien e partisë ankuese dhe organizatës socialiste të KQZ. Kolegji Zgjedhor nuk mund të diskutonte dekretin.
Institucioni i Presdientit nuk është thirrur si palë dhe vendimi nuk mund të prodhojë asnjë efekt.
Ai është truk procedurial për tëjustitifkuar veprimtarinë e organizatës socialiste të KQZ-së dhe për të ndërtuar një operacion propagandistik.
Zgjedhje më 30 qershor ligjërisht nuk ka dhe nuk do të ketë”, tha Meta.
I pyetur për faktin se ndërkombëtarët këmbëngulin për mbajtjen e zgjedhjeve, ai tha se në Shqipëri vendos ai, jo të tjerët.
“Në Shqipëri i anullon zgjedhjet vetëm presidenti.
Unë nuk fshihem pas asnjë ambasador, siç bëjnë politikanë të tjetër.
Unë s’kam anulluar zgjedhjet italiane, amerikane, apo kineze, por shqiptare.
Unë reagova për shkak të një krize politike dhe zgjedhje të tilla nuk plotësojnë asnjë kriter.
Unë s’kam anulluar zgjedhjet në asnjë vend të huaj, në asnjë fondacion apo në ndonjë Ambasadë.
Por zgjedhje ligjore nuk do të ketë”, tha Meta.
