Një tjetër gjykatë ka miratuar mandatin për kryebashkiakun e ri.
Këtë herë ka qenë gjykata e Sarandës ajo që ka konfirmuar Shuaip Beqirin e Partisë Socialiste në krye të bashkisë së Konispolit.
Beqiri është konfirmuar për një mandat të dytë në këtë bashki, pasi në zgjedhjet e 30 Qershorit siguroi 3328 vota.
Po ashtu mandatet i kanë marrë edhe kryebashkiakët e rinj, të Mallakastrës, Maliqit, Pustecit, Korçës, Shijakut, Kukësit, Kolonjës, Matit, Memaliajt, Gjirokastrës, Lushnjes dhe Peqinit dhe të disa bashkive të tjera, ndërsa i është refuzuar kryebashkiakes së Durrësit dhe atij të Vorës.
