Nesër zhvillohen zgjedhjet lokale në vend, të cilat ndryshe nga herët e tjera kanë pasur një vëmendje të veçantë. Thënë kjo për shkak të bojkotit të tyre nga opozita dhe të dekretit të presidentit për t’i anulluar ato.
Gjithsesi, tashmë është fakt, zgjedhjet do të zhvillohen nesër, të mbështetura nga ndërkombëtët.
Media e huaja i kanë kushtuar një vëmendje të veçantë ku ndër të tjera “Accociated Press” i bën një analizë specifike situatës në Shqipëri dhe e cilëson presidentin Meta si mbështëts të opozitës.
Ja çfarë shkruan ndër të tjera “Accociated Press”: Presidenti Meta duke mbeshtetur opozitën u përpoq të anulojë votimin e së dielës për shkak të bojkotit të opozitës dhe të enjten ai njoftoi se zgjedhjet do të zhvilloheshin me datë 13 tetor, disa ditë para se të pritet vendimi i BE-së mbi negociatat e antarësimit.
ARTIKULLI I PLOTË:
Zgjedhjet lokale të Shqipërisë po marrin një rëndësi më të veçantë se zakonisht, duke u vlerësuar si një provë e demokracisë për shtetin ish-komunist që shpreson të nisë negociatat e antarësimit në Bashkimin Europian.
Opozita e mbështetur nga presidenti i vendit, po bojkoton zgjedhjet me pretendimet e saj për korrupsion në nivel qeveritar si dhe kërkesën për zgjedhje të parakoheshme parlamentare.
Qeveria nga ana e saj nuk i merr parasysh pretendimet e opozitës dhe vazhdon të ecë përpara.
Mbajtja e zgjedhjeve të lira dhe të ndershme ka qenë “thembra e Akilit” për Shqipërinë (tashmë pjesë e NATO-s) në mënyrë që ajo të nisë negociatat me Bashkimin Evropian.
KONFLIKTI POLITIK
Presidenti Meta duke mbeshtetur opozitën u përpoq të anulojë votimin e së dielës për shkak të bojkotit të opozitës dhe të enjten ai njoftoi se zgjedhjet do të zhvilloheshin me datë 13 tetor, disa ditë para se të pritet vendimi i BE-së mbi negociatat e antarësimit.
Megjithatë kryeministri Edi Rama këmbëngul që zgjedhje do të zhvillohen siç shte planifikuar të dielën, për të parandaluar kundërshtarët politikë të përdorin “shantazh” politik për të detyruar thirrjen e zgjedhjeve të parakohshme parlamentare.
Rama akuzon opozitën se po përpiqet të pengojë negociatat e antarësimit në BE.
Opozita, e udhëhequr nga Lulzim Basha, fajëson qeverinë dhe thotë se kriza politike do të zgjidhet kur Rama të japë dorëheqjen dhe votuesit të jenë të burgosur. Socialistët e Ramës kanë filluar procedurën e gjatë për të rrëzuar Meta, duke thënë se ai ka vepruar në mënyrë jokushtetuese në anulimin e votës.
PRESIONI NDËRKOMBËTAR
Shtetet e Bashkuara, BE dhe organizata të tjera ndërkombëtare vazhdimisht i kanë bërë thirrje opozitës për të shmangur dhunën dhe për të mbajtur dialog për të zgjidhur bllokimin politik. Ata e kanë shtyrë atë të mos bojkotojë zgjedhjet dhe denoncoi vendimin e marrë në shkurt nga ZYRTARËT e opozitës për të hequr dorë nga vendet e tyre parlamentare. Demokratët e opozitës nuk i kanë kushtuar vëmendje thirrjeve, megjithëse protesta më e fundit pësoi një reduktim të ndjeshëm të dhunës.
/AlpeNews.al