Kryeministri Edi Rama, i ftuar në emisionin “Real Story” në “News 24”, duke folur për kandidatët e PS-së, deklaroi se është përpjekur që të vë në lista, emra që sjellin ndryshim.
Rama thekson se PS ka lindur nga ndryshimi, duke shtuar se PD është fosilizuar.
“Këta i fusin votat me motoçikletë dhe i sjellin në Tiranë. Muhabet kot. Komuniteti është një ansambël, nuk ka vetëm shkencëtarë. Pesë Yjet fituan zgjedhjet, edhe pse nuk kiishin eksperiencë. PS ka lindur nga ndryshimi. Jam i kujdesshëm, që të dëgjoj se çfarë duan njerëzit. Politika është çfarë sjell sot, çfarë bëre dje iku. PS është shumë e gjerë. Eglantina Gjermeni është në fushatë. Alfred Peza është në fushatë.
Vajza e Shkodrës është një yll. Është yll nga pikëpamja e angazhimit, të realizimit të objektivave etj. Partitë e izoluara janë të destinuara të humbin. Askush nuk ka nxjerrë pistoletë. PD ka bërë një listë turpëruese. Nëse do të dihej se PD do kishte këta përfaqësues edhe më 2021, do kishin ikur të gjithë. PD është fosilizuar. Basha është aty i vendosur nga Sali Berisha. Është Berisha dhe Meta që lëvizin duart dhe gojën e tij. Ai është peng aty”, tha Rama.
