Gazetari Sokol Bregu ka komentuar ngjarjen e rëndë të 21 janarit 2011, ku në mes të bulevardit humbën jetën 4 persona.
“Nëse nuk është një përgjim i dhënë nga prokuroria dhe nga gjykata nuk merret për provë materiale. Mund të merret për provë materiale, nëse do të thirret personi që e ka nxjerrë dhe nëse ajo është marrë nga një strukturë shtetërore, e certifikuar, që do të thotë është nxjerrë nga radiot e Gardës dhe dikush e disponon aty e nuk është bërë kurrë publike. Vetëm nëse është marrë nga kjo do quhet një bazë ligjore.
Ne e pamë si spektator për shumë vite 21 janarin. Ky sot po bën këtë përpjekje për 5 pikë politike. Ishte një ndër premtimet e mëdha të opozitës kur erdhi. Në 2013 humbën gjyqin edhe me Gardën, kur drejtohej nga socialistët.
