Gazetari Artan Hoxha ka komentuar protestën që do të mbahet nesër nga opozita në Tiranë.
Duke folur në studion e emisionit ‘Java në RTSH’ Hoxha tha se kjo protestë të ngjall frikë pasi nga organizimi i saj, ku nuk do të mbahen fjalime, të sjell në mendje 21 janarin, ku mbetën të vrarë katër persona.
“Protesta ngjall frikë. Organizimi pa fjalime është i njëjtë si më 21 Janar” – tha gazetari.
Sipas tij, efektivët e policisë në të gjithë vendin janë në gjendje ‘kushtrimi’.
Ai solli detaje të mësuara nga burime pranë policisë, teksa shtoi se Garda e Republikës është porositur të mos shfaqet pranë protestuesve.
Sipas Hoxhës, policia që do të krijojë rrethimin e godinës së Kryeministrisë nuk do të ketë armë zjarri.
