Në fshatin Qabiq të Klinës u bë përurimi i kompleksit memorial “Monumenti I Lirisë” i cili i kushtohet veprës së komandantit Mujë Krasniqi.
Gjatë kësaj ceremonie, ishte prezent Kryetari i Komunës së Klinës, Sokol Bashota, i cili tha se komandanti Krasniqi ka nevojë për përmendore e memoriale “pasi ai është i gjallë, ai është çdo kund në mesin tonë”.
“Kemi nevojë për memoriale të tilla që t’ua shpjegojmë fëmijëve tanë të kaluarën e UÇK-së dhe për vetë veprën e Mujë Krasniqit”, tha tutje Bashota.
I kënaqur u nda babai i heroit, Halil Krasniqi i cili tha se secila vepër është e mirë kur ka për qëllim nderimin dhe përkujtimin e veprës heroike të ushtarëve të UÇK-së.
Ky memorial ka kushtuar rreth 20 mijë euro, shumë kjo është kontribut i shumë donatorëve privat.
