Ditën e hënë siç edhe eshte lajmëruar, Presidenti Meta do të mbajë nje manifestim pas pretendimeve se është shkelur Kushtetuta.
Të paret që iu bashkuan thirrjes ishte ish partia e tij, LSI. Ndërkohë që Lulzim Basha dhe Partia Demokratike pritën jo pak për t’iu bashkuar.
Basha bëri thirrjen e tij, por dukshëm larg atyre që bën gjithmonë për protesta. Edhe sot, një ditë para mitingut kryetari i opozitës ka zgjedhur ta bëj me Gazmend Bardhin dhe jo nga emri i tij, thirrjen për mbrojtjen e Kushtetutës.
“Kushtetuta është marrëveshja më e rëndësishme e një shoqërie që garanton bashkëjetesën tonë. Kur shkelet Kushtetuta, bie shteti, bie demokracia, cenohen të drejtat e njerëzve. Çdo qytetar duhet të reagojë. I ftoj anëtarët dhe mbështetësit e Partisë Demokratike të bashkohen në manifestimin e 2 Marsit, në mbrojtje të Kushtetutës, në orën 17:00, në Bulevardin Dëshmorët e Kombit”, shkruan numri dy i PD.
ALPEnews.al
