Pas një debati shumë të gjerë publik ku një nënë shqiptare pësoi komplikacione në zemër pas lajmit se do të deportohej në Shqipëri pas 18 vitesh, ka ardhur dhe lajmërimi i keq.
Sipas mediave të huaja, Cile Precetaj, 46 vjeç është deportuar mbrëmjen e të mërkurës drejt vendlindjes.
Precetaj ka jetuar në Miçigan të SHBA-ve për 18 vite rresht, ndërsa të tre fëmijët e saj kanë lindur atje. 46 vjeçarja u lajmërua për herë të parë në vitin 2013 se do të kthehej në Shqipëri, por një urdhër ekskluziv në vitin 2014 shfuqizoi të parin.
Cile Precetaj ishte e vetmja nga familja e saj, e cila nuk arriti të merrte nënshtetësinë amerikane, ndërsa në dosjen e saj nuk ekziston asnjë procedim penal.
Ende nuk dihet fati i fëmijëve të saj dhe bashkëshortit të cilët kanë qëndruar në Shtetet e Bashkuara të Amerikës.
