Policia Rrugore ka intensifikuar monitorimet e akseve rrugore, me qëllim parandalimin e aksidenteve rrugore.Përgjatë dy javëve të fundit, në Tunelin e Murrizit janë ndëshkuar 165 drejtues automjetesh me gjobë 40 000 lekë të rinj dhe me zbritje prej 15 pikësh nga leja e drejtimit.
‘Për të gjitha shkeljet e konstatuara, Policia Rrugore vendos masën administrative, e cila pasqyrohet menjëherë në portalin e-Albania, në adresën e drejtuesit të automjetit apo subjektit që është konstatuar në shkelje të Kodit Rrugor, për të cilin, krahas masës administrative, aplikohet edhe sanksioni plotësues i zbritjes deri në 15 pikë nga leja e drejtimit’, njoftoi sot policia.
