Për Francën, 14 korriku simbolizon ditën e unitetit të popullit francez, festën e pavarësisë, njëkohësisht e njohur edhe si dita e Bastijes. Këtë vit, vendi festoi përvjetorin e 228 të pavarësisë me një festë që tashmë është kthyer në një traditë.
Presidenti i Republikës Franceze, Emmanuel Macron, hapi ditën e sotme më 14 korrik rreth orës 10, paradën tradicionale ushtarake në Champs-Elysees. E gjithë bota e njeh paradën ushtarake të 14 korrikut në Francë, si më e madhja dhe më e rregullta, ku thuajse të gjitha lëvizjet dhe manovrat janë të sinkronizuara.
Por këtë vit 14 korriku ishte plot të papritura. Në fillim të paradës ushtarake dy motoçikleta u përplasën e u rrëzuan, kjo për faktin se një prej agjentëve kishte llogaritur gabim momentin e hyrjes në Place de la Concorde.
Po ashtu pati probleme teknike edhe me patrullën ajërore aktrobatike, e cila realizoi në qiell jo flamurin francez por një flamur me katër. Dhe menjëherë në rrjetet sociale plas gallata dhe ironia shkruan Tg.com.
Një ndër komentet më pikant ishte “Mos ishte Kroacia”? Kujtojmë që ditën e nesërme do të zhvillohet finalja e Kupës së Botës, Francë-Kroaci.
