Tre fëmijët e një familjeje në fshatin Berishë i Epërm në Fushë Arrëz ndodhen në spital në gjendje të stabilizuar, ndërsa Ministria e Shëndetësisë thotë se ata nuk kanë shenja klinike për fruth. Mëngjesin e sotëm ka ndërruar jetë në shtëpi motra e tyre, 13 vjeçare.
“Ndërsa tre fëmijët e tjerë të së njëjtës familje, përkatësisht 11, 16 dhe 17 vjeç u transportuan me helikopter drejt QSUT mesditën e sotme.
Gjendja e tyre paraqitet e qete dhe po trajtohen ne pediatri dhe ne spitalin infektiv ne QSUT.
Sipas mjekeve te QSUT, nuk ka shenja klinike për fruth por aktualisht po kryhen te gjitha analizat për të vërtetuar diagnozën”, sqaron Ministria.
Në deklaratë thuhet se Ministria e Shëndetësisë ka ngritur një grup pune për verifikimin e shkakut të vdekjes se 13-vjeçares në Fushë Arrëz. Dyshimet janë se vajza ka ndërruar jetë nga fruthi.
