Rreth 13 fshatra në rrethin e Tepelenës dhe Memaliajt kanë mbetur sërish pa energji elektrike prej 48 orësh për shkak të motit të keq, mes tyre njësitë administrative Krahës, Qesarat dhe Lopës.
Banorët e këtyre zonave shprehen të indinjuar se kanë lajmëruar Drejtorin e Përgjithshëm të OSHEE dhe akoma nuk është marrë asnjë masë për normalizimin e situatës.
“Kemi njoftuar Drejtorin e Përgjithshëm të OSHEE, por ende nuk është marrë asnjë masë. Të gjitha produktet tona bulmetore por prishen. Kjo situatë përsëritet sa herë që kemi reshje”, shprehen banorët.
Banorët e këtyre zonave vuajnë mungesën e energjisë elektrike sa herë që ka reshje të mëdha shiu, ndonëse janë taksa pagues të rregullt, askush nuk po merr masa për ta./Shqiptarja.com/
