Duke filluar nga sot Anglia ka hequr të gjitha masat ndaj COVID-19. Qytetarëve nuk do t’u kërkohen maskat dhe pasaportat e vaksinave për të hyrë në ambiente të mbyllura.
Njerëzve do t’u kërkohet maska vetëm në disa raste të veçanta.
Pasaportat e COVID-it nuk do të përdoren më për të hyrë as në klubet e natës, stadiume e ngjarje të mëdha, edhe pse në disa raste mund t’u kërkohet klientëve të dëshmojnë vaksinimin apo testin negativ.
Ndryshimet janë pjesë e vendimit të Qeverisë për të hequr masat dhe vjen pasi numri i rasteve me COVID-19 ka rënë ndjeshëm në dy javët e fundit edhe pse në shifra të larta, rastet kanë pësuar ulje javëve të fundit.
Masat e reja ishin vendosur më 8 dhjetor.
Një ditë më herët, Britania e Madhe në përgjithësi regjistroi 103 mijë raste të reja me COVID-19 dhe 346 vdekje.
