Me 108 vota pro, Arben Shehu është zgjedhur kreu i ri i Kontrollit të Lartë të Shtetit.
Menjëherë pas votimit, Shehu ka bërë betimin dhe ka falenderuar deputetët. “Falimenderit për besimin”, tha Shehu i cili zë kështu vendin e Bujar Leskajt i cili qendroi 7 vite në krye të KLSH.
Tre herë rresht janë refuzuar kandidaturat e Presidentit Ilir Meta për kreun e KLSH por e katërta mesa duket ka qëlluar e vërteta.
Më në fund, Parlamenti ka rënë dakord me emrin e Arben Shehut duke i dhënë votat e nevojshme për të qenë në krye të KLSH.
Më poshtë një përmbledhje e CV-së, së Arben Shehut:
EDUKIMI DHE KUALIFIKIME
1998-2002- Diplomuar “Jurist” në Fakultetin e Drejtësisë, Universiteti i Tiranës 2004-2005- Master në Shkenca Penale Fakulteti i Drejtësisë, Universiteti i Tiranës 2011- Marrja e gradës shkencore “Doktor i Shkencave Ligjore” në fushën e krimit të organizuar dhe legjislacionit ndërkombëtar. 2018- Diplomuar për Administrim Biznes Vazhdimi i ciklit për titullin Profesor i Asociuar Njohës shumë i mirë i tre gjuhëve të huaja (Anglisht, Italisht, Frëngjisht
EKSPERIENCA: 2004 – e në vazhdim Pedagog pranë Fakultetit të Drejtësisë, Universiteti i Tiranës. 2003- e në vazhdim, anëtar i Dhomës së Avokatisë, dhe përfaqësues për çështje ligjore dhe ekonomike të shoqërive tregtare. Redaktor në “World Journal of Social Science Research” Pjesëmarrës në konferenca kombëtare dhe ndërkombëtare me publikime akademike .
