Për 105-vjetorin e Pavarësisë, të shumta do të jenë aktivitetet dhe vendet që do të mund të vizitoni përgjatë ditës së sotme dhe të nesërme.
Festimet nisën sot, ku në orën 10.00 paradite, në shenjë simbolike u ngrit flamuri në sheshin e ri “Skëndërbej”. Po kështu do të ketë aktivitete të ndryshme, që do të kulmojnë nesër në Natën e Bardhë.
Kështu hapësira të qytetit do të shndërrohen në ekspozita të përkohshme arti.
Muzeu Historik Kombëtar
Në këtë ekspozitë do të gjeni:
1. Penën, me të cilën është nënshkruar Akti i Shpalljes së Pavarësisë së Shqipërisë
2. Aparatin telegrafik mors, me të cilin Qeveria e Përkohëshme e Vlorës ka marrë e ka dhënë telegrame gjatë periudhës 1912-1914
3. 30 flamuj të periudhës së Pavarësisë
4. Foto origjinale të Ismail Qemalit dhe foto të firmëtarëve
Arkivi Qendror Shtetëror i Filmit
Gjatë gjithë mbrëmjes AQSHF do të jetë e hapur për vizitorët. Pritje e vizitorëve, foto në ambjentet e AQSHF-së, vizitë në ambjentet e punës, biseda me stafin. Nga ora 18.00-20.00
Galeria Kombëtare e Arteve
Nga ora 18:00 e në vijim.
Qendra Kombëtare e Kulturës dhe Teatri i Kukullave
Nga ora 18:00 : Katër shfaqje teatrore për femijë si dhe në vazhdim do shfaqen filma për fëmijë të huaj dhe shqiptar.
Teatri Kombëtar
Hapur nga ora 19:00.
Cirku Kombëtar
Mund të shkoni duke filluar nga ora 10:00.
Ndërkohë, në mbrëmjen e 29 nëntorit, në Sheshin Skëndërbej do të performojë Emeli Sande. Këngëtarja skoceze është mjaft e njohur për këngët “Never be your woman” apo “Diamond rings”.
Nga ana tjetër festime pritet të ketë në çdo qytet, ku bashkitë përkatëse do të organizojnë aktivitete të ndryshme.
Siç të gjithëve na e merr mendja, festimet nuk kanë për të munguar as jashtë kufinjve: New York, Bruksel etj.
