Samir Mane, binesmeni shqiptar i cili u rendit në listën e miliardëreve të botës nga prestigjozja Forbes, ka deklaruar në studion e emisionit “Opinion” se nuk ka asnjë lekë në xhep dhe nuk mban as portofol.
Ajo që vlen për tu theksuar është se pasuria e tij llogaritet aktualisht në 1.4 miliardë dollarë, sipas renditjes më të fundit të revistës prestigjoze Forbes.
Blendi Fevziu: Z. Mane, sa para cash ke ti?
Samir Mane: Unë në momentin që po flasim nuk kam asnjë dhe nuk mbaj asnjë me vete.
A keni vënë re psoriazë? Bëjeni këtë menjëherë
Dermal
Riktheni dëgjimin 100% pa operacion
U Caps
Doni shikim të pastër kristal? Përdoreni së paku dy herë në ditë
O Caps
Prostata është tkurrur 3 herë! Bëjeni këtë çdo natë!
Prostatol
Blendi Fevziu: Nuk mban cash?
Samir Mane: Nuk mbaj pothuajse fare cash me vete. Kur më duhet jashtë shtetit paguaj me kartë. Nuk kam asnjëherë lekë me vete.
Blendi Fevziu: Ke portofol me vete?
Samir Mane: Nuk kam portofol me vete dhe nuk mbaj pothuajse asnjëherë portofol me vete. Ka dhe një shaka në këtë drejtim, që shkoj në lokal, nuk paguaj sepse shkoj maksimalisht në 2-3 lokale. Padyshim që ata më njohin dhe kur vjen ndonjë i afërm i imi ose ndonjë nga stafi im i thonë kafja jote bën 80 mijë Lekë sepse s’ka paguar Samiri për 10 ditë.
Blendi Fevziu: Po ti harron ndonjëherë t’ja u paguash apo ja u shlyen të gjitha?
Samir Mane: Kohët e fundit filloj t’i bëj foto faturës dhe ia çoj stafit dhe e paguajnë ata.
Blendi Fevziu: Kur fola për cash e kisha fjalën për para të kursyera në bankë. Që llogariten dhe paratë e vendosura?
Samir Mane: Llogaritë private padyshim që llogariten dhe mjete të tjera siç mund të jenë varka ose makina. Por këto nuk përbëjnë ndonjë vlerë të rëndësishme.
Blendi Fevziu: Po ju vetë keni para të kursyera në bankë? Mbani para gjendje në bankë apo të gjitha i investoni?
Samir Mane: Natyrisht pas pagesës së dividentëve, padyshim që kam edhe unë mjetet e mia financiare në bankë, por kryesisht pjesa më e madhe janë pjesë e Balfin, kompanisë time, dhe të gjitha fitimet riinvestohen.
Blendi Fevziu: Po infot si i merr Forbes se ku mund të ketë miliarder? Shtet pas shteti?
Samir Mane: Padyshim që kanë metodologjitë e tyre dhe thelbi është i pasqyrave të konsoliduara financiare të audituara, ky është thelbi i asaj që ata shohin. Dhe ato të jenë akses publik. Pra, ti mund të kesh para të tjera, por ata shohin vetëm ato që janë deklaruar në sistemin publik të deklarimeve.
