Henrikh Mkhitaryan thotë se kalimi në Arsenal është një ëndërr e bërë realitet
Mesfushori armen, Henrikh Mkhitaryan është shumë i lumtur që është larguar nga Manchester United dhe ka kaluar në Arsenal.
Ai insiston se kjo është një ëndërr e bërë realitet, pasi gjithnjë ka dashur të luajë për këtë skuadër.
“Është ëndërr e bërë realitet, sepse gjithnjë kam ëndërruar duke luajtur për Arsenalin. Tani që jam këtu, do të jap më të mirën time për këtë skuadër që të bëjmë histori”, tha Mkitaryan për faqen e Arsenalit.
Mkhitaryan në Arsenal kaloi si pjesë e marrëveshjes për shkëmbim me Alexis Sanchez që u transferua në Manchester United.
